Президент Садыр Жапаров республикалык тестирлөөнүн жыйынтыгы боюнча "Алтын сертификаттардын" ээси болгон мектеп бүтүрүүчүлөрүн сыйлады.  Мамлекет башчысы билим уясынан ийгиликтүү учуп чыгып, турмуш жолуна аттанган бүтүрүүчүлөрдү Жусуп Баласагындын саптарын келтирип, куттуктады. “Улуу ойчул бабабыздын “Билим бийик түгөнбөс, окуу — улук, адамда – ушул эки артыкчылык” деген накыл кебиндей, мектепте алган билимиңер жашооңордун бекем пайдубалы болуп, өмүр бою артыкчылык берет”, - деди Садыр Жапаров.

Президент Садыр Жапаров 9-11-июлда өлкөнүн президенти Ухнаагийн Хурэлсухтун чакыруусу менен Монголияга мамлекеттик сапар менен барат. Бул тууралуу президенттин администрациясынын тышкы саясат бөлүмүнүн башчысы Муратбек Азымбакиев билдирди.

Президент Садыр Жапаров “Кыргыз Республикасынын айрым мыйзам актыларына (“Тышкы миграциясы жөнүндө”, “Тышкы эмгек миграциясы жөнүндө”, “Чет өлкөлүк граждандардын Кыргыз Республикасындагы укуктук абалы жөнүндө” Кыргыз Республикасынын мыйзамдарына) өзгөртүүлөрдү киргизүү жөнүндө” КР мыйзамына кол койду.

Тышкы иштер министри Жээнбек Кулубаев Бириккен Улуттар Уюмунун Өнүктүрүү программасынын (БУУӨП) Кыргызстандагы туруктуу өкүлү Луиз Чемберленди миссиясынын аяктагандыгына байланыштуу кабыл алды. Бул тууралуу ТИМден кабарлашты.

Президент Садыр Жапаров кол койгон тескемеге ылайык тапшырылган эмгек милдеттерин тийиштүү түрдө аткарбагандыгы үчүн президенттин Ысык-Көл облусундагы ыйгарым укуктуу өкүлү Иманбетов Илияз Жеңишовичке сөгүш берилди. Бул тууралуу президенттин администрациясынын маалыматтык саясат кызматынан билдиришти.

Кыргызстан менен Малайзиянын тышкы иштер министрлери Жээнбек Кулубаев жана Замбри Абдул Кадир сүйлөшүүлөрдүн жыйынтыгында эки тараптуу кызматташуу боюнча ниет катына кол койду.

Президент Садыр Жапаров бүгүн Ысык-Көлдү балык кармоочу торлордон жана көлдүн акваториясын таштандылардан тазалоо иштеринин жүрүшү менен таанышты. Мамлекет башчысы өзгөчө кырдаалдар министри Бообек Ажикеев жана ӨКМдин суучулдар тобу менен биргеликте аткарылып жаткан иштерди жеке өзү текшерди.

Бүгүн Улугбек Ормонов баштаган Жогорку Кеңештин “Ишеним” фракциясынын депутаттары Америка Кошмо Штаттарынын Кыргызстандагы элчиси Лесли Вигери менен жолугушту. Парламенттен билдиришкендей, жолугушууда Кыргызстан менен АКШнын ортосундагы кызматташтыкка тиешелүү маселелер талкууланды.

26-июнда Улуттук илимдер академиясынын Сейсмология институтунун жаңы имаратынын салтанаттуу ачылыш аземи болду. Иш-чарага министрлер кабинетинин төрагасы, президенттин администрациясынын жетекчиси Акылбек Жапаров катышты.

Бүгүн, 27-июнда Кыргызстандын тышкы иштер министринин орун басары Айбек Молдогазиев Улуу Британиянын Кыргызстандагы элчиси Николас Боулерди ишеним грамоталарынын көчүрмөсүн тапшырганына байланыштуу кабыл алды.

Жогорку Кеңештин төрагасы Нурланбек Шакиев Казакстандагы расмий иш сапарынын алкагында аталган өлкөнүн президенти Касым-Жомарт Токаев менен жолугушту. Бул тууралуу парламенттин басма сөз кызматынан кабарлашты.

Президент Садыр Жапаров бүгүн өлкөнүн юристтерин Юристтер күнү менен куттуктады.

Ысык-Көл облусунун Чолпон-Ата шаарында Көз карандысыз мамлекеттер шериктештигине мүчө өлкөлөрдүн Парламенттер аралык ассамблеясынын (КМШ ПАА) Контролдук-бюджеттик комиссиясынын кезектеги отуруму өттү.

Министрлер Кабинетинин Төрагасы Акылбек Жапаровдун төрагалыгы алдында МинКабдын кезектеги жыйыны болду, анын күн тартибине 16 маселе коюлду.

Президент Садыр Жапаров “2021-жылдын 28–30-апрелинде кыргыз-тажик чек арасындагы чыр-чатактын кесепетинен жабыр тарткан Баткен облусунун ишкердик субъекттерине берилген бюджеттик кредиттерди эсептен чыгаруу жөнүндө” КР мыйзамына кол койду.

Жапалак айылындагы жерлерди тактоо иштери жүрүүдө, деп билдирет Ош шаардык мэриясынын басма сөз кызматы.

Бүгүн Кыргызстандын президенти Садыр Жапаров менен өлкөгө расмий сапар менен келген Германия Федеративдүү Республикасынын Федералдык президенти Франк-Вальтер Штайнмайердин сүйлөшүүлөрү болду.

Министрлер кабинетинин төрагасы Акылбек Жапаров Чыгыш жана Борбордук Европа, ошондой эле Борбордук Азия мамлекеттери боюнча баңгизат саясаты комиссиянын төрагасы Александр Квасьневскийди кабыл алды.

Министрлер кабинетинин төрагасы Акылбек Жапаров алдыдагы жылытуу мезгилинде экологиялык абалды жакшыртуу жана борбор калаада түтүндү болтурбоонун алдын алуу боюнча жумушчу кеңешме өткөрдү.

Президент Садыр Жапаров “Жеке жактардын активдерин ыктыярдуу легалдаштыруу жана мунапыс берүү жөнүндө” мыйзамга кол койду. Президенттин маалымат кызматы билдиргендей, мыйзам 2023-жылдын 4-майында Жогорку Кеңеш тарабынан кабыл алынган.

Президент Садыр Жапаров Пакистан Ислам Республикасынын премьер-министри Шахбаз Шарифке көңүл айтуу телеграммасын жөнөттү.

2023-жылдын башынан бери 14,5 млрд сомго мамлекеттик сатып алуулар жүргүзүлдү. Бул тууралуу Финансы министрлигинен билдиришти.

Кыргызстанда электр самокатын тебүү боюнча мыйзам долбоору иштелип чыкты. Бул тууралуу брифингдин жүрүшүндө кененирээк Жогорку Кеңештин депутаты Марлен Маматалиев айтып берди.

Ажылык сапарга аттангандарды Кызыл-Кыя шаарынан узатышты. Алар “Ош” эл аралык аба майданынан учуп кетишти. Быйыл Баткен облусунан 700 киши ажылык сапарына аттанган, аларды 17 ажы башчылар коштоп кетишти.

Министрлер кабинетинин төрагасы Акылбек Жапаров суу чарба кызматкерлерин кесиптик майрамы - суу чарба кызматкеринин күнү менен куттуктады.

Президент Садыр Жапаров бүгүн Жалал-Абад облусуна болгон жумушчу сапарынын жүрүшүндө Аксы районунун Кербен шаарында жайгашкан "Караван" аэропортун модернизациялоо долбоорунун аткарылышы менен таанышты.

Президент Садыр Жапаров Бишкек шаарынын Дөлөн Өмүрзаков атындагы стадионунда өткөн Кыргызстан менен Ирандын улуттук курама командаларынын ортосундагы футболдук беттешине барды.

Палестинанын тышкы иштер министри Рияд Аль-Малики Кыргызстанга расмий сапар менен келет. Анын визити ушул жылдын август айына пландаштырылган. Бул тууралуу президент Садыр Жапаровдун Палестина Мамлекетинин президенти Махмуд Аббас менен болгон жолугушуусунда маалым болду.

Министрлер Кабинетинин Төрагасы Акылбек Жапаров Баткен облусуна болгон иш сапарынын алкагында Баткен районуна караштуу Капчыгай, Ак-Сай, Достук айылдарындагы курулуп бүткөн үйлөрдүн сапаты менен таанышты.