Президент Садыр Жапаров Бишкек шаарынын Дөлөн Өмүрзаков атындагы стадионунда өткөн Кыргызстан менен Ирандын улуттук курама командаларынын ортосундагы футболдук беттешине барды.

Беттеш Борбор Азия футбол ассоциациясынын (CAFA) эл аралык турниринин алкагында 16-июнда өттү.

Кыргызстандын футбол курама командасы Иранга 1:5 эсебинде утулуп калды.

Эми аталган эл аралык турнирдин алкагында биздин улуттук курама команда Ташкентте 3-орун үчүн 20-июнда күрөшөт.