Президент Садыр Жапаров бүгүн өлкө жана эл алдында сиңирген эмгеги үчүн мамлекеттик өзгөчө наам-белгилери ыйгарылган инсандарга мамлекеттик сыйлыктарды тапшырды.

2023-жылдын август айына (2023-жылдын 1-сентябрынын абалына карата) Мамлекеттик бажы кызматы (МБК) республикалык бюджетке 9,77 млрд сом өлчөмүндө бажы төлөмдөрүнүн түшүүсүн камсыз кылды. Бул көрсөткүч былтыркы жылдын ушул айына салыштырмалуу 2,2 млрд сомго көп.

Президент Садыр Жапаров президенттин Баткен облусундагы ыйгарым укуктуу өкүлү Абдикарим Алимбаевди кабыл алды. Абдикарим Алимбаев аймакты социалдык-экономикалык жактан өнүктүрүүгө багытталган, тактап айтканда, Баткен облусундагы инфраструктураны жакшыртуу, социалдык объекттерди куруу, долбоорлорду ишке ашыруу боюнча чаралар тууралуу отчет берди.

Транспорт жана коммуникациялар министринин орун басары Акуналы Досалиев "Түштүк Кореянын Улуттук темир жолу" ишканасынын эл аралык иштер боюнча башкы менеджери Юн Чи-Ман менен жолукту.

Кыргызстан тарыхта биринчи жолу жарандары үчүн улуттук паспорт басып чыгара баштады. Бул тууралуу президенттин маалымат катчысы Эрбол Султанбаев билдирди. Анын айтымында, жыл башында президент Кыргызстанда жарандардын улуттук паспортторун басып чыгаруу жакында ишке кирерин билдирген.

Бүгүн Жогорку Кеңештин VII чакырылышынын кезектеги сессиясынын ачылышы болду. Жогорку Кеңештин төрагасы Нурланбек Шакиев парламенттин сессиясын ачык деп жарыялап, Кыргыз Республикасынын гимни жаңырды.

Үстүбүздөгү жылдын 29-августуна карата республикалык бюджеттен Билим берүү жана илим министрлигине, ошондой эле башталгыч кесиптик билим берүү мекемелерине 32,5 млрд сом бөлүндү.

Бишкекте Палестинанын элчилиги ачылат. Бул тууралуу Кыргызстандын тышкы иштер министри Жээнбек Кулубаев Палестинанын тышкы иштер жана экспатрианттар министри Рияд Аль-Малики менен болгон эки тараптуу жолугушуунун жыйынтыгында билдирди.

Кыргызстан менен Палестинанын тышкы иштер министрлери Жээнбек Кулубаев жана Рияд Аль-Малики жолугушуунун жыйынтыгында бир катар эки тараптуу келишимдерге кол койду.

Президент Садыр Жапаров кол койгон тескемеге ылайык, КРнын Конституциясынын 70-беренесинин 1-бөлүгүнүн 6-пунктуна ылайык Ысык-Көл облусунун Ысык-Көл районунун мамлекеттик администрациясынын башчысы - аким Жумадылов Калыбек Аманатович өз каалоосу менен ээлеген кызматынан бошотулду.

Министрлер кабинетинин төрагасынын орун басары Бакыт Төрөбаев жумуш сапарынын алкагында Беларусь премьер-министринин орун басары Анатолий Сивак менен жолукту. Министрлер кабинетинен билдиришкендей, анын жүрүшүндө тараптар түрдүү багыттардагы эки тараптуу кызматташтыктын маселелерин талкуулашты.

Президент Садыр Жапаров бүгүн Кыргызстанга иш сапары менен келген АКШ сенатору, Сенаттын улуттук коопсуздук жана өкмөт иштери боюнча комитетинин төрагасы Гэри Питерсти кабыл алды. Кыргызстан менен АКШнын ортосундагы саясий жана экономикалык өнөктөштүктү кеңейтүү боюнча пикир алмашуу болду.

Кыргызстандын Малайзиядагы элчиси Алтынбек Жумаев Малайзиянын Королу Султан Абдулл Риаятуддин Аль-Мустафа Билах Шахка ишеним грамотасын тапшырды. Бул тууралуу Жумаев Фейсбуктагы баракчасына жазды. Грамота тапшыруу аземи "Истана Негера" королдук сарайында өткөн.

Президент Садыр Жапаровдун 20-августта Венгриянын премьер-министри Виктор Орбандын чакыруусу менен болгон иш сапары аяктады. Бул тууралуу президенттин басма сөз кызматынан билдиришти.

Президент Садыр Жапаров "Кабар" агенттигине энергетика тармагына киргизилген өзгөчө кырдаал режими боюнча суроого жооп берди.

Президент Садыр Жапаров 2023-жылдын 24-июлунда "Кыргыз Республикасынын прокуратурасы жөнүндө" КР конституциялык мыйзамына өзгөртүүлөрдү киргизүү тууралуу" КР конституциялык мыйзамына кол койду.

Президент Садыр Жапаров 2023-жылдын 20-июлунда (№ 142) “2021-жылдын апрелинде жана 2022-жылдын сентябрында Кыргыз Республикасынын Баткен жана Ош облустарында болуп өткөн окуялардын кесепетинен курман болгондордун үй-бүлө мүчөлөрүн жана жабыр тарткан жарандарды социалдык коргоо жөнүндө” КР Мыйзамына кол койду.

Президент Садыр Жапаровдун Падыша Салман бин Абдулазиз Аль Сауддун чакыруусу менен 18-20-июль күндөрү Сауд Аравия Падышалыгына болгон жумушчу сапары аяктады. Сапардын алкагында президент Садыр Жапаров Булуңдагы араб мамлекеттери жана каржы мекемелеринин башчылары менен бир катар эки тараптуу жолугушууларды өткөрдү.

Жеке ишкер Алымбек Эргешов Ош шаардык кеңешинин депутаттык мандатын алды. Ал "Улуттар биримдиги" партиясынын тизмеси менен келди. Алымбек Эргешов "Спутник строй" ЖЧКнын жетекчиси. 

Ички иштер министри Улан Ниязбеков Түркиянын борбору Анкара шаарына иш сапар менен барып, анда Түркиянын жаңы ички иштер министри Али Ерликая менен эки тараптуу кызматташтык маселелерин талкуулады. Жолугушуу учурунда Улан Ниязбеков кесиптешин Түркиянын Ички иштер министри кызматына дайындалышы менен куттуктап, министрликтердин ортосундагы кызматташуунун оң динамикасын баса белгилеп өттү.

Президент Садыр Жапаров Сауд Аравия Падышалыгына болгон жумушчу сапарынын алкагында Мекке шаарында Умрага (кичи ажылык) барды. Бул тууралуу президенттин басма сөз кызматынан билдиришти. Умра учурунда Садыр Жапаров өзгөчө урмат-сыйга ээ болуп, Ыйык Каабанын ичине кирип, намаз окуду.

Президент Садыр Жапаров Сауд Аравия Падышалыгына болгон жумушчу сапарынын алкагында Мединадагы Масжид Ан-Набавиге (Мухаммед пайгамбардын мечити) барды. Мамлекет башчысы Масжид Ан-Набавиде намаз окугандан кийин, Садыр Жапаровго Мухаммед пайгамбардын (САВ) сөөгү коюлган жерге кирүүгө жол ачышты.

Президент Садыр Жапаров "Кыргыз Республикасына көчүп келүүчү этникалык кыргыздарга берилүүчү мамлекеттик кепилдиктер жөнүндө "Кыргыз Республикасынын Мыйзамына өзгөртүүлөрдү киргизүү тууралуу" КР Мыйзамына кол койду.

Шакиев Жыргалбек Тургунбекович Бишкектин Ленин районунун акими болуп дайындалды. Бул тууралуу муниципалитеттин басма сөз кызматынан билдиришти.

Президент Садыр Жапаров Сауд Араб Падышалыгынын Кыргызстандагы элчиси Ибрахим бин Ради Аль-Радини кабыл алды. Президенттин басма сөз кызматынан билдиришкендей, эки тараптуу кызматташтыктын өз ара кызыкчылык туудурган ар кандай чөйрөлөрдөгү актуалдуу маселелери тууралуу пикир алмашуу болду.

Президент Садыр Жапаров “Кыргыз Республикасынын айрым мыйзам актыларына (КР Кылмыш-жаза кодексине, КР Укук бузуулар жөнүндө кодесине) өзгөртүүлөрдү киргизүү жөнүндө” КР Мыйзамына кол койду. Мыйзам Жогорку Кеңеш тарабынан 2023-жылдын 25-майында кабыл алынган.

Президент Садыр Жапаровдун Монголияга болгон алгачкы мамлекеттик сапарынын алкагында өлкө лидерлери Кыргызстан менен Монголиянын достук жана кызматташтык орнотуу жөнүндө Биргелешкен декларациясына кол коюшту.

Кыргызстандын жана Тажикстандын өкмөттүк делегацияларынын топографиялык жумушчу топторунун 2023-жылдагы жолугушууларынын план-графигине ылайык, 2023-жылдын 3-июлунан 9-июлуна чейинки кыргыз-тажик мамлекеттик чек арасын делимитациялоо жана демаркациялоо боюнча кезектеги жолугушуусу Баткен шаарында (Кыргызстан) болуп өттү.

Президент Садыр Жапаров А.Изибаев атындагы Мамлекеттик циркке күтүүсүз текшерип барды. Мамлекет башчысы имараттын абалы, жумушчулардын эмгек шарттары менен таанышып, алар менен баарлашты. Буга чейин бир нече жолу ЖМКларда цирктин аянычтуу абалы тууралуу маалымат тараган.

Президент Садыр Жапаров бүгүн резиденциялары үчүнчү өлкөлөрдө жайгашкан Палестинанын, Кувейт Мамлекетинин, Бахрейн Падышалыгынын, Дания Королдугунун жана Грузиянын Атайын жана Ыйгарым укуктуу элчилеринен ишеним грамоталарын кабыл алды.