Бүгүн «Динамо» коомдук бирикмесинин Төрагасынын биринчи орун басары Төрөкул Мадалиевдин катышуусунда ЖКККББнын спортчуларынын 2024-жыл ичиндеги спорттук көрсөткүчтөрүнүн жыйынтыгы чыгарылды.

Белгилей кетсек Жол кыймылынын коопсуздугун камсыздоо башкы башкармалыгынын спортчулары 2024-жылдын ичинде ИИМдин 7 чемпионатына катышып, спорттун кызматтык көп түрдүүлүк жана ок атуу, самбо жана күжүрмөн самбо, кыргыз күрөшү, кичи футбол, күчтүк үч түрдүүлүк жана волейбол боюнча жалпы спорттун 10 түрүндөгү мелдештерде күч сынашкан.
Ошондой эле жыл жыйынтыгы менен ИИМдин түзүмдөрүнөн түзүлгөн 15 команданын ичинен 2 орунга ээ болушкан.

Жыйындын жүрүшүндө башкы башкармалыктын башчысы милициянын полковниги Жеңишбек Джоробеков спортчуларга спорттук формаларды тапшырып, улуттун, кызматтын намсын коргоп, жаштарды сергек жашоого үндөгөн спортчуларга бекем ден соолук каалап, мындан ары да чоң ийгиликтерге жетүүлөрүнө тилектеш экендигин билдирди.