Президент Садыр Жапаров аялдардын ишкердигин мамлекеттик колдоону күчөтүүгө багытталган мыйзамга кол койду. Өзгөртүүлөр “Ишкерлердин укуктарын коргоо жөнүндө” мыйзамга киргизилип, 2024-жылдын 4-декабрында Жогорку Кеңеш тарабынан кабыл алынган.

Мыйзам аялдардын ишкердигин өнүктүрүү үчүн жагымдуу шарттарды түзүүгө, экономикада аялдардын иш менен камсыз болушун жогорулатууга жана алардын финансылык ресурстарга жеткиликтүүлүгүн кеңейтүүгө багытталганы айтылды.

Документте “аялдардын ишкердиги” түшүнүгү киргизилет, ал төмөнкү критерийлерге жооп берген ишкердик иш катары түшүнүлөт:

- жеке ишкер катары иштеген аял;
Кыргызстанда 51%дан кем эмес акцияга же үлүштүк үлүшкө аялдар ээ болгон жана жумушчу күчүнүн 51%дан кем эмесин аялдар түзгөн юридикалык жак.