Геологияны өнүктүрүү фонду геологдордун күнүнө карата уюштурган III республикалык “Геология - балдардын көз карашы менен” фотосынагынын жыйынтыгын чыгарды. Иш-чаранын максаты - геология жана геологдордун кесиптик иши жөнүндө түшүнүктү калыптандыруу жана кызыгууну арттыруу.

Фотосынакта катышуучулар үч номинация боюнча сыйланды:

1. “Геология пейзажы” - Кыргызстандын геологиялык кереметтерин көрсөткөн сүрөттөр;
2. “Кадрдагы геолог” - геологдордун, геофизиктердин, геодезисттердин, гидрогеологдордун жана башка профилдик адистердин портреттери, иштөө учурундагы маанайын билдирген учурлар;
3. “Сыйкырдуу минерал” - минералдардын жана тектердин сулуулугун чагылдырган сүрөттөр. 

Биринчи номинацияда “Мираж” аталышындагы сүрөтү менен Ысык-Көл облусунан Даниэл Айтбеков 1-орунду ээледи. Ал эми 2-орунду Нарын облусунан Акбермет Муканбетова “Бийиктиктер” эмгеги менен утуп алды. 3-орунга “Величие вершин” эмгеги менен Арсен Мумузиев татыктуу деп табылды. 

“Кадрдагы геолог” номинациясында 1-орунду Баткен облусунан Нуртилек Усаров жеңди. 2-орунду Бишкектен Ким Карина, ал эми 3-орунду Нарын облусунан Жаныбек Жолдошбеков алды. 

“Сыйкырдуу минерал” номинациясында 1-орунду Бишкек шаарынан Анастасия Брагина; 2-орунду Баткен облусунан Нуртилек Усаров; 3-орунду Токмок шаарынан Лейла Шерипова утуп алды.  

Иш-чарада «Каматор Майнинг Групп», «Алтынкен», «Гео Консалт Групп», «Кен-Тоо» борбору жана «Талас Коппер Голд» ыраазычылык баракчалары менен сыйланды. 

Ыраазычылык баракчаларды жана сыйлыктарды геологияга эмгеги сиңген ардагер адистер жана Геологияны өнүктүрүү фондунун жетекчиси Мелис Сатыбеков тапшырды.