2023-жылдын 11-сентябрына карата, республика боюнча иштеп аткан күнөсканалардын жалпы саны 1 миң 765 даананы түздү, ал эми ээлеген аянты 203,1 га жерге жетти. Бул тууралуу Айыл чарба министрлигинен билдиришти.

Облустар боюнча алып караганда:

• Чүй облусу боюнча — 265 даана (53 га жерге);
• Ысык-Көл — 74 даана, (5 га);
• Нарын — 38 даана (5 га);
• Талас — 15 даана (4 га);
• Ош — 370 даана (53 га);
• Баткен – 191 даана (13,1 га).
• Жалал-Абад облусу боюнча — 812 даана (70 га жерге) күнөсканалар коюлган.

Айыл чарба министрлигинен кошумчалашкандай, негизинен күнөсканалар Жалал-Абад, Баткен, Ош жана Чүй облустарында курулууда.